RUTIÑA QUERE FACERCHE UNHA PROPOSTA: SER UN BOOKTUBER !!!!!

Desde a biblio, Rutiña quere facervos unha proposta. Xa que non podemos xuntarnos nenos e nenas de diferentes clases na biblio, quere que vos fagades "Booktubers".

En que consiste ser un booktuber?

Pois é moi sinxelo. Consiste en gravar un vídeo para  mostrarlles aos demais un libro da biblio que che gustara moito, explicando por que che gustou e por que o recomendarías.

E como o podemos facer?

Pois outra vez moi sinxelo. Falas coa túa profe ou co teu profe e dislle que queres ser "Booktuber". A profe ou o profe dirache cando podes gravar o vídeo na biblioteca, pero ollo... antes de facer a gravación terás que ter moi clariño o que vas dicir. Para iso podes facer primeiro un guion e ensaialo antes con algún compañeiro ou compañeira.

Os vídeos estarán na pestana que ves neste blog que se titula BOOKTUBERS

Anímate. A biblio espera por ti!!!!